Aron Sigurðarson skoraði bæði mörk Start í kvöld sem lék við Lillestrom í Noregi.
Start berst fyrir því að komast í efstu deild á ný en liðið endaði í 3. sæti B-deildarinnar í Noregi.
Lillestrom hafnaði í fallsæti í úrvalsdeildinni og spila liðin því í umspili um hvort liðið leikur í efstu deild á næstu leiktíð.
Aron reyndist of öflugur fyrir Lillestrom í leiknum en hann gerði bæði mörkin í 2-1 sigri.
Arnór Smárason var allan leikinn á bekknum hjá Lillestrom en gæti komið við sögu í seinni leiknum á heimavelli.