Vefsíðan Transfermarkt telur niður til jóla með því að fara yfir efnilegustu knattspyrnumenn heimsins, í dag skrifar vefurinn um Andra Lucas Guðjohnsen, framherja Real Madrid.
Andri Lucas er sonur Eiðs Smára Guðjohnsen og talað er um á vefnum að góðar líkur séu á að Andri Lucas, geti fetað í fótspor hans. Eiður er að margra mati besti knattspyrnumaður í sögu Íslands.
Andri Lucas er 17 ára gamall og samkvæmt vef Transfermarkt er hann hreinræktuð nía, alvöru sóknarmaður. Andri Lucas er 1,87 cm á hæð og er sagður martröð fyrir varnarmenn. Hann hefur leikið fyrir U17 og U19 ára landslið Íslands.
,,Andri er einn af þeim demöntum sem unglingastarf Real Madrid er með, hann skoraði 37 mörk á síðasta tímabili. Hann var næst markahæsti leikmaðurinn í öllu unglingastarfinu,“ sagði Nils Kern, ritstjóri Real Total sem fylgist með öllu starfi félagsins.
Hrósið sem Andri fær þarna er ansi mikið, Real Madrid er eitt stærsta knattspyrnufélag í heimi og hann er sagður demanturinn í unglingastarfi félagsins.
Andri Lucas lék áður með Barcelona og Espanyol, faðir hans Eiður Smári var lengi vel leikmaður Barcelona. ,,Á næsta ári mun fólk lesa mikið af þennan kraftmikla framherja, hann fer upp í varaliðið. Þar eru stórir og öflugir framherjar velkomnir, hann gæti endað eins og Alvaro Negredo eða Alvaro Morata. Framtíðin mun svara þessu en hann mun án nokkurs vafa, skora mikið af mörkum.“
Helstu tilþrif Andra má sjá hér að neðan.
