Neymar, leikmaður Paris Saint-Germain, er líklega á leið til Englands næsta sumar ef marka má franska miðla.

Það er ekkert leyndarmál að Neymar reyndi að komast burt frá PSG í sumar og vildi Barcelona fá hann.

Það var þó ekki samið um kaupverð á endanum og verður Brassinn að öllum líkindum hjá PSG út tímabilið.

Le Parisien í Frakklandi segir þó að Chelsea, Manchester City og Liverpool hafi áhuga á Brassanum.

Ljóst er að Neymar myndi kosta risaupphæð en hann er enn aðeins 27 ára gamall og á nóg eftir á sínum ferli.

PSG borgaði 198 milljónir punda fyrir Neymar árið 2017 en hann telur áskorunina í Frakklandi ekki henta sér nógu vel.