Gary Neville, goðsögn Manchester United, kallar eftir því að hinni umdeildu tækni VAR verði breytt á Englandi.

Neville sá leik Atletico Madrid og Lokomotiv Moskvu í Meistaradeildinni en þeir spænsku unnu 2-0 sigur.

Fyrra mark Atletico kom úr vítaspyrnu en dómari leiksins dæmdi upphaflega ekkert eftir hendi innan teigs.

Hann ákvað þó á endanum að fara sjálfur að VAR-skjá vallarins og breytti upprunarlegu ákvörðuninni og dæmdi víti.

Það er eitthvað sem sést ekki á Englandi en þar fá dómararnir ekki að skoða skjáinn sjálfir.

,,Í Madrid þá urðum við vitni af því þegar dómarinn sneri ákvörðuninni við eftir hendi með aðstoð VAR,“ sagði Neville.

,,Þegar dómarinn fer sjálfur að VAR skjánum þá er það mun betri upplifun fyrir st uðningsmennina og það er rétt að hann fái að taka lokaákvörðunina.“