Bakvörðurinn Magnus Egilsson hefur skrifað undir tveggja ára samning við lið Vals hér heima.
Þetta staðfesti Valur í kvöld en Magnus fylgir Heimi Guðjónssyni til Vals frá HB í færeysku úrvalsdeildinni.
Magnus er 25 ára gamall varnarmaður en hann á að baki einn landsleik fyrir Færeyjar sem kom á þessu ári.
Tilkynning Vals:
Færeyskur landsliðsmaður til liðs við Val.
Magnús Egilsson sem er landsliðsmaður Færeyja og hefur orðið Færeyjameistari og bikarmeistari með HB semur við Val til 2ja ára.
Magnús er vinstri bakvörður og lék með HB undir stjórn Heimis Guðjónssonar.
