Carlo Ancelotti, stjóri Napoli, veit ekki hvort hann verði á hliðarlínunni í næsta deildarleik um helgina.
Napoli tryggði sér sæti í 16-liða úrslitum Meistaradeildarinnar í kvöld með 4-0 sigri á Genk.
Framtíð Ancelotti er þó í mikilli óvissu og mætir hann á fund hjá stjórninni á morgun.
,,Verð ég á hliðarlínunni á laugardag? Ég vona það en ég hitti stjórnina á morgun,“ sagði Ancelotti.
,,Við munum fara yfir stöðuna og taka rétta ákvörðun fyrir Napoli. Ég þarf ekki að taka neina ákvörðun.“
,,Forsetinn þarf að taka ákvörðun varðandi næsta skref. Ég mun aldrei segja af mér.“
