Stuðningsmenn Newcastle gátu fagnað í gær er liðið gerði 2-2 jafntefli við Manchester City á heimavelli.

Þau úrslit komu mörgum á óvart en Jetro Willems og Jonjo Shelvey skoruðu mörk liðsins.

Fyrra mark Newcastle var lagt upp af miðjumanninum skemmtilega Miguel Almiron.

Almiron var að spila sinn 24. leik fyrir félagið og tókst loksins að leggja upp mark – eitthvað sem margir höfðu beðið eftir.

Enn fleiri bíða eftir því að Almiron komist á blað en hann er ávallt hættulegur í leikjum liðsins.

Það væri óskandi fyrir Newcastle að Almiron komist í gang en liðið þarf á allri þeirri hjálp sem í boði er.