Trent Alexander-Arnold, bakvörður Liverpool, segir að liðið sé alls ekki að spila eins vel og hægt er þrátt fyrir átta stiga forskot á toppnum.

Liverpool er enn taplaust í deildinni á tímabilinu en þrátt fyrir það eiga þeir mun meira inni segir enski landsliðsmaðurinn.

,,Við erum langt frá því að vera 100 prósent. Ég er ekki viss um að við höfum spilað leik þar sem við erum ánægðir með frammistöðuna,“ sagði bakvörðurinn.

,,Leikurinn gegn Manchester City var frábær en við vorum vonsviknir með að fá á okkur mark. Það er erfitt að taka því en þetta snýst um að vinna.“

,,Þú færð engin verðlaun fyrir að spila fallegan fótbolta, er það?“