Daniel Farke, stjóri Norwich, var bálreiður í dag eftir 2-2 jafntefli við Arsenal í ensku úrvalsdeildinni.

VAR var enn og aftur í umræðunni eftir vítaspyrnuklúður Pierre-Emerick Aubameyang fyrir Arsenal.

Eftir vörslu Tim Krul þá fékk Aubameyang að taka spyrnuna aftur eftir að menn höfðu hlaupið of snemma inn í vítateig.

,,Það var erfitt að taka þessu. VAR tekur klárlega ástríðuna burt. Frá því að vítaspyrnan var dæmd og að leikurinn byrjaði aftur liðu sjö mínútur en aðeins nokkrum mínútum var bætt við,“ sagði Farke.

,,Ef ákvarðanirnar værei sanngjarnar og stöðugar þá myndi ég samþykkja þetta. Það er erfitt að samþykkja þessi mistök.“

,,Ég sé hvar VAR getur hjálpað okkur en ákvarðanir dómarans og VAR voru gegn okkur í dag.“