Charlie Nicholas, sérfræðingur Sky Sports, segir Jurgen Klopp að bekkja Mo Salah, leikmann liðsins.
Nicholas hefur ekki verið hrifinn af frammistöðu Salah undanfarið og vill að Klopp breyti til.
,,Ég horfði á Liverpool-leikinn um helgina. Það var frábær leikur og dramatíkin var til staðar,“ sagði Nicholas.
,,Liverpool er ekki upp á sitt besta. Fólk telur að um leið og þeir komist af stað þá sýna þeir enga miskun en þeir eru að sleppa fyrir horn þessa stundina.“
,,Það eru margir stórir leikir á dagskrá. Mo Salah var miðlungsleikmaður um helgina sem og Roberto Firmino. Jurgen Klopp ætti að bekkja nokkra og breyta til.“
,,Ég myndi halda Firmino með Mane og taka Salah út. Það þarf að gerast.“
Enski boltinn á 433 er í boði 
