Það er búið að draga rauða spjald framherjans Heung-Min Son til baka en hann var rekinn af velli um helgina.
Son spilaði með Tottenham gegn Everton í ensku úrvalsdeildinni og fékk rautt spjald í seinni hálfleik.
Son tæklaði Andre Gomes, leikmann Everton, sem lenti mjög illa á Serge Aurier og ökklabrotnaði.
Tækling Son var þó alls ekki gróf en hann reyndi aðeins að stöðva skyndisókn liðsins.
Knattspyrnusambandið hefur viðurkennt mistök og fer Son ekki í leikbann.