Mauricio Pochettino, fyrrum stjóri Tottenham hefur komið skilaboðum til leikmanna félagsins að þeir séu velkomnir í heimsókn á heimili hans.
Pochettino var rekinn úr starfi í síðustu viku eftir fimm og hálft ár í starfi. Hann þarf nú að finna sér nýtt starf.
Pochettino var rekinn á degi sem leikmenn Tottenham voru í fríi, hann fékk því ekki tækifæri til að kveðja þá.
Hann kom skilaboðum til Hugo Lloris, markvarðar sem var hans maður í klefanum. Lloris sendi svo á alla leikmenn félagsins á Whatsapp að þeir væru velkomnir í heimsókn til Pochettino til að kveðja hann.
Sagt er að Harry Kane, Eric Dier og Dele Alli hafi allir tekið boðinu um leið og heimsótt Pochettino.
