Það er ljóst að fólk þarf að vara sig á ítalska landsliðinu næsta sumar þegar EM 2020 fer fram.
Ítalar eru löngu búnir að tryggja sæti sitt í lokakeppninni en liðið er með fullt hús stiga í riðli J eftir 10 leiki.
Riðlakeppninni er nú lokið og vann Ítalía ótrúlegan 9-1 sigur á Armeníu í lokaleiknum.
Ítalía er með 30 stig úr tíu leikjum eða fullt hús stiga sem er gjörsamlega magnaður árangur.
Ekki nóg með það heldur skoraði liðið 37 mörk og fékk aðeins á sig fjögur.
Ítalía var með Finnlandi, Bosníu, Grikklandi, Armeníu og Lichtenstein í riðli.