Wayne Rooney er markahæsti leikmaður enska landsliðsins en hann skoraði 53 mörk fyrir þjóðina á sínum tíma.
Rooney er kominn á seinni árin í boltanum en hann hefur spilað sinn síðasta landsleik.
Hann leikur í dag með DC United í Bandaríkjunum en mun ganga í raðir Derby County í janúar.
Það stefnir margt í það að Rooney muni ekki halda þessu meti í mörg ár til viðbótar.
Harry Kane, leikmaður Tottenham, hefur nú skorað 32 landsliðsmörk í aðeins 45 leikjum.
Kane er aðeins 26 ára gamall og á því nóg eftir og marga leiki til að bæta met Rooney sem spilaði 120 leiki.
