fbpx
Miðvikudagur 15.júlí 2020
433Sport

Plús og mínus: Skammarlegt hvernig Dagur B og ríkisstjórnin hafa dregið lappirnar

433
Sunnudaginn 17. nóvember 2019 21:39

Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Ísland lauk leik í undankeppni EM með sigri á Moldóvu í kvöld, 2-1. Íslenska liðið spilaði ágætlega og átti flotta samspilskafla á köflum, sérstaklega í fyrri hálfleik. Það var ljóst fyrir leikinn að Ísland færi í umspil um laust sæti á EM en það verður spilað í mars næstkomandi.

Moldóvar byrjuðu leikinn af krafti og létu finna vel fyrir sér en íslenska liðinu tókst að verjast áhlaupi þeirra vel. Birkir Bjarnason kom Íslandi yfir í fyrri hálfleik eftir flott spil. Það var hinn ungi Mikael Neville Anderson sem lagði upp markið. Ísland hefði vel getað skorað fleiri mörk í fyrri hálfleik og var Birkir sá leikmaður sem komst næst því. Viðar Örn Kjartansson, sem kom inn á eftir meiðsli Kolbeins, átti einnig fínt færi.

Moldóvar mættu grimmir til leiks í seinni hálfleik og uppskáru jöfnunarmark við mikinn fögnuð áhorfenda á Zimbru Stadium í Kísinev. Fögnuðurinn var þó ekki langlífur því Gylfi Þór Sigurðsson kom okkar mönnum aftur yfir. Gylfi fékk svo kærkomið tækifæri til að bæta við marki en brenndi af vítaspyrnu 12. mínútum fyrir leikslok. Lokatölur 2-1 fyrir Ísland og við endum riðilinn með 19 stig.

Plús:

Birkir Bjarnason hefur átt magnaða haust með landsliðinu, hefur svarað fyrir gagnrýnina á réttan hátt. Hans besta staða er á miðri miðjunni, það hefur sannast í haust.

Mikilvægt að enda undankeppnina á sigri. Þó andstæðingurinn hafi ekki verið sá sterkasti er alltaf mikilvægt að vinna og þá sérstaklega á útivelli. 19 stig í riðlinum er í sjálfu sér góð uppskera þegar allt kemur til alls.

Það var gaman að sjá Erik Hamrén gefa Mikael Andersson tækifæri í byrjunarliðinu. Það er mikilvægt fyrir unga leikmenn að fá tækifæri í alvöru leikjum og gaman að sjá þegar þeir grípa tækifærið. Mikael er greinilega í miklum metum hjá Hamrén og hann gerði virkilega vel þegar hann lagði upp markið sem Birkir skoraði. Því miður þurfti hann að fara meiddur af velli í byrjun seinni hálfleiks.

Ísland náði mörgum flottum samspilsköflum í leiknum sem veit á gott. Einnar snertingar fótbolti sem kom okkur oft í fína stöðu og skapaði færi.

Mínus:

Það var grátlegt að horfa á Kolbein Sigþórsson fara meiddan af velli, þetta magnaða endurkoma hans í ár hefur fengið verðskuldað lofað. Ef það þekkir einhver að stíga upp eftir að hafa verið kýldur í jörðina, þá er það Kolbeinn.

Það er sorgleg staðreynd fyrir Dag B Eggertsson, borgarstjóra og ríkisstjórn þessa lands að fátækasta þjóð Evrópu, eigi betri heimavöll en íslensku landsliðin í fótbolta. Zimbru völlurinn, tekur 10 þúsund áhorfendur og væri mikil búbót fyrir íslenska liðið, að eiga svona völl. Það er skammarlegt hvernig Dagur B og ríkisstjórnin hafa dregið lappirnar. Borgin á Laugardalsvöll og ríkið þarf að koma með fjármuni til að hefjast handa, Guðni Bergsson og félagar í Laugardalnum þurfa að fara berja í borð, svo eitthvað fari að gerast.

Það er í raun frekar slæm tíðindi fyrir landsliðið að liðið getur ekki verið án Kára Árnasonar. Þessi 37 ára gamli leikmaður sem spilar í Pepsi Max-deildinni, spilar alltaf vel og þeir sem koma inn geta ekki fyllt hans skarð.

Það eru vond tíðindi fyrir íslenska landsliðið, hversu kaldur Gylfi Þór Sigurðsson er á vítapunktinum. Hann er stjarna liðsins en þarf Erik Hamren að skipta um skyttu?

Það var svo sem vitað fyrir leikinn að Ísland myndi fara í umspilið. Eftir að hafa komist á tvö stórmót í röð er það engu að síður svekkjandi niðurstaða. Góðu fréttirnar eru að við eigum enn ágætis möguleika á að komast á EM.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Manchester United enn í fimmta sæti eftir dramatískt jafntefli

Manchester United enn í fimmta sæti eftir dramatískt jafntefli
433Sport
Í gær

Pabbi Haaland sá myndbandið: Segir honum að hætta – ,,Þetta er ekki fyrir þig“

Pabbi Haaland sá myndbandið: Segir honum að hætta – ,,Þetta er ekki fyrir þig“
433Sport
Í gær

Sjáðu reiðiskast Robertson: Verður ekki refsað – ,,Þið sáuð ekki neitt allan leikinn“

Sjáðu reiðiskast Robertson: Verður ekki refsað – ,,Þið sáuð ekki neitt allan leikinn“
433Sport
Í gær

Stórstjarna enn föst á hóteli – Borgaði risaupphæð til að sleppa

Stórstjarna enn föst á hóteli – Borgaði risaupphæð til að sleppa
433Sport
Fyrir 2 dögum

Sjáðu atvikið: Haaland með dólgslæti um helgina – Sparkað út af skemmtistað

Sjáðu atvikið: Haaland með dólgslæti um helgina – Sparkað út af skemmtistað
433Sport
Fyrir 2 dögum

Varð reglulega fyrir rasisma; ,,Ein versta manneskja sem ég hef hitt“

Varð reglulega fyrir rasisma; ,,Ein versta manneskja sem ég hef hitt“
433Sport
Fyrir 3 dögum

Lampard: Ég lærði mikið í dag og gleymi því ekki

Lampard: Ég lærði mikið í dag og gleymi því ekki
433Sport
Fyrir 3 dögum

Klopp: Vorum reiðir út í dómarann

Klopp: Vorum reiðir út í dómarann