Rio Ferdinand, fyrrum varnarmaður Manchester United segist hafa áttað sig á því að Cristiano Ronaldo yrði lengi á toppnum, þegar hann heimsótti heimili hans.

Ferdinand og Ronaldo léku saman hjá Manchester United, Ronaldo er 34 ára í dag en tíu árum eftir að hann fór frá United sem einn besti leikmaður í heimi. Þá er Ronaldo enn á sama staða.

,,Hann er 34 ára gamall en hefur verið einn af tveimur bestu leikmönnum í heimi, í yfir tíu ár. Hann var sá fyrsti sem ég sá, sem fjárfesti í fólki í kringum sig. Ég heimsótti hann og ég sá tíu manneskjur þegar ég kom þar inn. Ég spurði hvaða fólk þetta væri,“ segir Ferdinand þegar hann rifjar upp málið.

,,Hann sagði mér að þetta væri kokkurinn sinn, sjúkraþjálfari, læknir og einkaþjálfari. Hann fór frá United sem besti leikmaður í heimi,“ sagði Ferdinand.

,,Hann og Lebron James hafa eytt stórum fjárhæðum í að hafa rétt fólk í kringum sig, svo líkami þeirra og hugarfar sé á réttum stað, til að vera alltaf á toppnum.“