Andre Gomes, leikmaður Everton, meiddist illa á dögunum í leik gegn Tottenham í úrvalsdeildinni.
Gomes lenti afar illa eftir tæklingu frá Heung-Min Son og þurfti að fara ökklabrotinn í aðgerð.
Marco Silva, stjóri Everton, hefur þó enn trú á að Gomes geti enn spilað á þessari leiktíð.
Gomes hefur marga mánuði til að jafna sig en úrvalsdeildin klárast ekki fyrr en næsta sumar.
,,Þetta leit út fyrir að vera mjög alvarlegt en það fór allt vel og ég sé hann spila aftur á tímabilinu. Við erum þó ekki viss,“ sagði Silva.
