Unai Emery, stjóri Arsenal, ætlar að nota miðjumanninn Mesut Özil á tímabilinu þrátt fyrir sögusagnir um annað.

Özil hefur æft stíft undanfarna daga en hann missti af byrjun tímabils fyrst eftir hnífaárás og svo vegna veikinda.

Özil gæti verið á förum frá Arsenal í janúar en hann er þó enn í myndinni hjá Emery.

,,Síðasta ár byrjaði erfiðlega fyrir hann. Hann gerði vel á undirbúningstímabilinu og fékk að spila. Svo komu upp vandamál með hann og Sead Kolasinac sem stöðvaði hann,“ sagði Emery.

,,Eftir það þá var hann veikur í eina viku og hann missti af mörgum æfingum til að halda sér í standi. Undanfarnar tvær til þrjár vikur þá hefur hann bætt sig og það er gott. Ég hef ekki lokað á þann möguleika að nota hann.“

,,Við viljum að hann sé í lagi og að hann verði klár á æfingum og þá líður okkur vel. Þá getur hann spilað. Ég vil nota alla leikmenn og hann er einn af þeim.“