Það eru vandræði í herbúðum Tottenham Hotspur segir fyrrum leikmaður liðsins, Kieran Trippier.

Trippier samdi óvænt við Atletico Madrid í sumar en hann gerði þriggja ára samning við félagið.

Trippier hefur útskýrt af hverju hann vildi yfirgefa Tottenham og segir að þar séu vandræði sem fáir vita af.

,,Ég tel að það hafi verið kominn tími á breytingar og fyrir mig að halda áfram,“ sagði Trippier.

,,Ég þurfti kannski ekki að færa mig um set en það voru hlutir sem áttu sér stað á bakvið tjöldin hjá Tottenham sem ég vil ekki ræða. Ég þurfti að komast burt frá því.“