Birkir Bjarnason er enn bjartsýnn fyrir hönd Íslands í riðlakeppninni í undankeppni EM.

Ísland vann Andorra 2-0 í kvöld en þarf nú að vinna Tyrki úti og treysta á að Andorra stríði þeim á heimavelli.

,,Við vissum að við þyrftum að klára rest og þetta er góð byrjun en það er leiðinlegt að fá þessar fréttir. Það getur ennþá allt gerst,“ sagði Birkir.

,,Það er erfitt að spila gegn svona liði en svona er þetta, við þurftum að gera okkar og gerðum það.“

Birkir var svo spurður út í þær sögusagnir að hann væri á leið til Katar til að spila fyrir Al-Arabi þar sem Heimir Hallgrímsson er þjálfari.

,,Við sjáum til. Ég þarf að skoða mitt og taka ákvarðanir og svo kemur í ljós hvað ég geri.“