Alfreð Finnbogason, framherji Augsburg segir það mikið högg fyrir íslenska landsliðið að Jóhann Berg Guðmundsson sé ekki enn á ný meiddur. Kantmaðurinn knái tognaði aftan í læri gegn Frakklandi á föstudag.
Meiðsli hafa verið tíð hjá Jóhanni síðustu ár og það tekur í, líklegt er að hann verði frá í 4-6 vikur.
,,Leikmaðurinn Jóhann Berg er ekkert smá mikilvægur. Án þess að vanvirða aðra þá getur hann gert hluti sem ekki margir leikmenn hjá okkur geta, með boltann og getur dregið tvo til þrjá að sér,“ sagði Alfreð um fjarveru Jóhanns en liðið mætir Andorra á Laugardalsvelli á morgun.
Jóhann er einn af reynslumeiri leikmönnum liðsins, hann hefur því talsvert að segja utan vallar líka.
,,Persónan er líka mikilvæg fyrir okkur. Á ölum sviðum er þetta gríðarlegur missir, núna er ég sem dæmi einn í herbergi. Á mörgum sviðum svíður þetta fyrir mig og liðið, vonandi fær hann tíma til að koma sér almennilega í gang. Hann er eflaust ekki ánægður, mikið meiddur síðustu ár og í kringum landsleiki. Mikill missir fyrir okkur.“