Manchester City vann gríðarlega mikilvægan sigur í ensku úrvalsdeildinni í gær er liðið mætti toppliði Liverpool. Það var mikið undir á Etihad en Liverpool gat komist tíu stigum á undan City á meðan heimamenn gátu minnkað forystuna niður í fjögur stig.

Liverpool byrjaði leikinn af krafti og fékk tvö hættuleg færi í byrjun. Í eitt skiptið hreinsaði John Stones boltann burt af línunni. Það var hins vegar City sem tók forystuna er Sergio Aguero skoraði framhjá Alisson í marki Liverpool af stuttu færi.

Staðan var 1-0 í hálfleik en Liverpool tókst svo að jafna er Roberto Firmino kom knettinum í netið eftir sendingu Andy Robertson. Það var ekki jafnt lengi en ekki löngu síðar skoraði Leroy Sane svo aftur fyrir City eftir laglega sókn.

Aguero sem skoraði fyrsta mark leiksins, hann elskar að gera það gegn stóru liðunum. Aguero hefur skorað 37 mörk í 62 leikjum gegn sex stóru liðunum á Englandi, það er 0,60 mark í leik.

Tölfræði um þá sem standa honum næst eru hér að neðan.