Það er ekki útilokað að undrabarnið Erling Haland muni spila fyrir Manchester United einn daginn.

Þetta segir faðir hans, Alf Inge Haland en hann er fyrrum leikmaður Leeds og Manchester City.

Haland er einn efnilegasti leikmaður Noregs og spilar fyrir RB Salzburg í Austurríki.

,,Það væri gaman ef þeir sýndu honum áhuga,“ sagði Haland í samtali við TV2.

,,Það er mikilvægt að skilja muninn á að vera stuðningsmaður og að sinna þínu starfi. Ég er mjög slakur yfir þessu.“

,,Það er engin spurning um það að enska úrvalsdeildin heillar hann en við þurfum að bíða og sjá.“