Hörður Snævar Jónsson skrifar frá Elbasan:

Ragnar Sigurðsson, landsliðsmaður, var stuttorður í kvöld er hann ræddi við blaðamenn í Albaníu.

Raggi og landsliðsmenn töpuðu 4-2 fyrir Albaníu í undankeppni EM en frammistaðan var ekki nógu góð.

Raggi segist ekki vita alveg hvað fór úrskeiðis en staðan var 2-2 áður en Albanar tóku leikinn yfir.

,,Ég veit ekki alveg hvað gerðist. Við vorum ekki nógu góðir og áttum ekki skilið að vinna þetta,“ sagði Raggi.

,,Okkur leið vel og við vorum tilbúnir í þetta. Við vorum ekki alveg tilbúnir í hinn leikinn en unnum hann 3-0.“

,,Okkur fannst við vera með þá og þeir virkuðu þreyttir. Svona gerist bara í fótbolta, við fundum að við værum með þá í 2-2 en fáum svo tvö mörk á okkur.“

,,Við höldum bara áfram og vinnum næsta leik. Við höfum enn fulla trú á verkefninu.“