Albert Brynjar Ingason birti stórkostlegt myndband á Twitter-síðu sína í kvöld þar sem hann er mjög virkur.

Albert er leikmaður Fjölnis í Inkasso-deild karla og er eins og aðrir Íslendingar spenntur fyrir komandi landsliðsverkefni.

Íslenska landsliðið spilar gegn Moldavíu á laugardaginn og ákvað Albert að bjóða upp á smá leikmannakynningu.

Albert fer yfir nokkra leikmenn íslenska liðsins og segir þá flesta vera ljónharða… Fyrir utan einn.

Albert elskar fátt meira en að grínast í frænda sínum Alberti Guðmundssyni sem er í hópnum.

,,Já, frænda minn. Albert Guðmunds. Hann var í klippingu,“ sagði Albert um nafna sinn er komið var að honum.

Albert er búinn að aflita hárið og ákvað frændi hans að líkja honum við söngkonuna Miley Cyrus og byrjaði að spila lagið „Wrecking Ball.“

Sjón er sögu ríkari.

Smá leikmannakynning fyrir leikinn á laugardaginn.@snjallbert pic.twitter.com/i2YPWGXuTy

— Albert Ingason. (@Snjalli) 4 September 2019