Marcus Rashford mun væntanlega sofa illa í nótt eftir leik Manchester United og Crystal Palace í dag.

United þurfti að sætta sig við 2-1 tap á Old Trafford þar sem Rashford klikkaði á vítaspyrnu.

Paul Pogba tók síðustu spyrnu United gegn Wolves en hann klikkaði einnig – í kjölfarið varð Pogba fyrir kynþáttaníði á samskiptamiðlum.

United gaf frá sér tilkynningu eftir þá hegðun ‘stuðningsmanna’ og sagði að tekið yrði á málinu.

Eftir vítaspyrnuklúður Rashford í dag þá fékk hann nákvæmlega sömu meðferð og liðsfélagi sinn.

Nokkur ógeðsleg tíst voru birt á samskiptamiðla eftir að skot Rashford fór í stöngina.