Í gær var greint frá því að Barcelona væri búið að kaupa bakvörðinn Marc Cucurella frá liði Eibar.
Cucurella var keyptur til Eibar í sumar eftir að hafa spilað þar á láni á síðustu leiktíð frá einmitt Barcelona.
Eibar þurfti að kaupa Cucurella eftir lánssamninginn en Barcelona var enn með kauprétt og keypti hann til baka.
Cucurella fékk að vera leikmaður Barcelona í einn dag og var strax seldur til Getafe fyrir 10 milljónir evra.
Barcelona borgaði fjórar milljónir fyrir leikmanninn og græðir því sex milljónir á að selja hann til Getafe.
