Adam Johnson, fyrrum leikmaður Sunderland, var dæmdur í fangelsi árið 2016 og sat inni í þrjú ár.

Johnson braut kynferðislega á 15 ára gamalli stúlku en hann var þá stjarna í ensku úrvalsdeildinni.

Johnson losnaði úr fangelsi fyrir nokkrum mánuðum síðan en ljóst er að knattspyrnuferlinum er lokið.

Í dag er greint frá því að Johnson sé búinn að grátbiðja fyrrum vini sína um að kaupa húsið sitt sem hann hefur ekki efni á lengur.

Johnson býr í stóru húsi og flutti þangað inn í mars. Hann hefur hins vegar ekki efni á að búa þar mikið lengur.

Johnson þekkir margar knattspyrnustjörnur og hefur hann sent fjölmörgum af þeim skilaboð og athugar hvort þeir hafi áhuga á að kaupa heimilið.

Húsið er verðmetið á tvær milljónir punda en Johnson er þessa stundina atvinnulaus. Hann óttast að verða heimilislaus ef hann nær ekki að finna kaupanda á næstu vikum.

Myndir af húsinu má sjá hér.