Anthony Mulligan, stuðningsmaður Liverpool, hefur verið dæmdur í þriggja ára bann og má ekki mæta á leiki félagsins næstu árin.

Frá þessu var greint í gær en Mulligan má ekki mæta á knattspyrnuleiki á Anfield næstu þrjú árin eftir atvik sem kom upp í maí.

Mulligan var fundinn sekur um að hafa ýtt spænskum stuðningsmanni Barcelona ofan í gosbrunn fyrir leik liðanna.

Atvikið átti sér stað í Barcelona á Spáni en þar spilaði Liverpool í undanúrslitum Meistaradeildarinnar.

Einnig var maðurinn ákærður fyrir það að girða niður um öryggisvörð á Anfield fyrir lokaleikinn gegn Wolves í ensku úrvalsdeildinni.

The Liverpool Echo hefur nafngreint manninn og birti mynd af honum á vefsíðu sinni í gær.

Mulligan er 57 ára gamall og hefur í mörg ár mætt á bæði heima og útileiki Liverpool.