,,Samband þessara þjóða beið hnekki eftir meðferðina á landsliði okkar í Keflavík í fyrradag,“ skrifar blaðamaður Fanatik í upphafi fréttar sem hann birti í gærkvöldi.

Tyrkir eru í raun brjálaðir yfir móttökunum á Leifsstöð, þvottaburstinn frægi pirrar þá minna en biðin á vellinum. Liðið var í 80 mínútur að komast í gegnum öryggisleit á Keflavíkurflugvelli.

Ástæðan var að liðið flaug frá Konya sem er ekki vottaður flugvöllur í Evrópu, því þurfti eftirlitið í Keflavík að vera meira en venjulega.

Þetta fór mjög illa í Tyrki en þeir fengu heimsókn frá Íslendingi í gær, Ólafur Ingi Skúlason kíkti á hótel liðsins.

Ólafur lék með Gençlerbirliği og Karabükspor í Tyrklandi, hann var að heimsækja leikmenn sem hann hafði spilað með. Það er vonandi að Ólafur hafi lagt inn gott orð fyrir þjóðina, til að róa mannskapinn.