Ragnar Sigurðsson var hetja Íslands í leik gegn Tyrkjum í kvöld en varnarmaðurinn frábæri gerði tvö mörk í sigri.
Raggi Sig er ekki þekktur fyrir það að skora mörk en bæði mörk Íslands í 2-1 sigri komu frá honum með skalla.
,,Þetta var erfiðasta færið, fyrstu tvö voru bara tap in. Ég hefði þurft að stýra þessum þriðja svolítið og ég klúðraði því en tvö mörk voru nóg,“ sagði Ragnar.
,,Ég fer alltaf á fjær og ég er alltaf frír á fjær. Boltinn kemur bara mjög sjaldan en ég var bara mættur og þetta voru bara tap ins.“
,,Það er mjög ljúft að vinna Tyrkina aftur. Þetta voru tveir skyldusigrar. Við þurftum að vinna þá í baráttunni um að komast áfram.“
,,Mér finnst þetta bara vera sami neisti. Þessi Þjóðadeild, það skildi enginn hvað væri í gangi. Það skildi enginn reglurnar einu sinni. Svo spiluðum við æfingaleik sem við erum aldrei góðir í. Núna þegar það skiptir máli vinnum við leiki eins og alltaf.“
Ragnar ræddi svo burstamálið fræga en Tyrkir voru bálreiðir í gær og vildu meina að Ísland væri að sýna þeirra landsliði óvirðingu.
,,Þetta var út um allt og það var verið að senda okkur öllum hatursskilaboð og svona en við erum mjög reyndir. Við látum þetta ekki trufla okkur.“
,,Þetta var allt mjög skrítið en þetta leikurinn byrjar þá erum við mættir að spila fótbolta þannig við vorum tilbúnir.“
