Loris Karius, markvörður Liverpool, mætti ekki á úrsitaleik Meistaradeildarinnar í Madríd í gær.
Liverpool mætti þar Tottenham í úrslitum keppninnar og fagnaði 2-0 sigri með Alisson Becker í markinu.
Karius var í marki Liverpool á síðasta ári en gerði sig sekan um tvö slæm mistök í 3-1 tapi gegn Real Madrid.
Það voru margir æfir út í Karius eftir þann leik og var hann svo fljótlega sendur á lán til Besiktas.
Karius setti inn færslu á Twitter í gær þar sem hann óskaði öllum til hamingju. Hann er ánægður fyrir hönd félagsins.
,,Þið áttuð þetta skilið,“ skrifar Karius og fær mörg falleg skilaboð í kjölfarið.
Congrats, @LFC. Really happy for everyone at the club and fans. You deserved this.
— Loris Karius (@LorisKarius) 1 June 2019
