Diego Maradona var handtekinn þegar hann mætti heim til Argentínu í gær, ástæðan er krafa sem fyrrum unnusta hans gerir.

Rocio Oliva og Maradona skildu eftir sex ára samband, í desember á síðasta ári.

Maradona er að þjálfa í Mexíkó og ætlaði að skreppa heim þegar hann var handtekinn, í Buenos Aries þegar hann kom.

Oliva heldur því fram að Maradona skuldi sér 5 milljónir punda eftir skilnaðinn, tæpar 800 milljónir króna.

Oliva hefur lagt fram ákæru vegna málsins og sökum þess var Maradona, færður í yfirheyrslu. Hann þarf svo að mæta fyrir dómara 13 júní.

Maradona er einn besti knattspyrnumaður sem heimurinn hefur séð en líf hans utan vallar, hefur einnig verið skrautlegt.