Rivaldo, fyrrum leikmaður Barcelona, hefur gagnrýnt núverandi leikmann liðsins, Philippe Coutinho.
Coutinho skoraði þriðja mark Barcelona í 3-0 sigri á Manchester United í gær og fagnaði á athyglisverðan hátt.
Coutinho hélt fyrir eyrun á sér eftir markið sem var beint að stuðningsmönnum Börsunga sem hafa gagnrýnt hann á þessu tímabili.
,,Þetta voru ekki rétt skilaboð. Hann skoraði frábært mark en það er aldrei gott að gera svona við stuðningsmenn,“ sagði Rivaldo.
,,Stuðningsmennirnir gagnrýna hann því þeir vita að hann verður að gefa þeim meira.“
,,Ég veit ekki hvað gerðist í vikunni, hvað hann las í blöðunum eða sá í sjónvarpinu en hann verður að leggja sig fram, hugsa um nsæta leik og skora mörk.“
,,Ef hann skorar þá breytist allt og hann getur verið leikmaður liðsins.“