Sebastian Prodl, leikmaður Watford, er allt annað en sáttur í herbúðum félagsins þessa stundina.
Prodl er 31 árs gamall varnarmaður en hefur aðeins komið við sögu í einum deildarleik á tímabilinu.
Jav Gracia, stjóri Watford, vill ekki nota Prodl sem mun íhuga að fara annað í sumarglugganum.
,,Ef Gracia verður þarna áfram eins og útlit er fyrir þá þarf ég að hugsa mig um því ég fæ ekki tækifæri á að spila,“ sagði Prodl.
,,Ég veit ekki af hverju ég fæ ekkert að spila. Ég geri mitt besta á æfingum en er í engri samkeppni.“
,,Ég spilaði undir hans stjórn á síðustu leiktíð svo það getur ekki verið íþróttaleg ástæða fyrir því að ég spila ekki.“
,,Ég skil að það er engin ástæða fyrir þjálfarann að breyta til eins og er en ég er ekki tilbúinn að leyfa honum að rústa ferlinum.“
