Hörður Snævar Jónsson skrifar frá Andorra:
,,Þetta er mjög fínt, leikurinn spilaðist eins og við bjuggumst við. Yrði hægur leikur og þeir yrðu með marga í vörn, það er fínt að vera búinn að koma hingað og ná í þrjú stig,“ sagði Gylfi Þór Sigurðsson, stjarna íslenska landsliðsins eftir 2-0 sigur á Andorra í kvöld.
Leikurinn fór fram á gervigrasi sem hafði áhrif á leik íslenska liðsins, að auki spilaði Andorra fast og leiðinlega.
,,Mjög erfitt að spila á þessu, mjög leiðinlegt, erfitt að spila boltanum á þessu. Boltinn hoppaði mjög mikið, ekki besta gervigrasið. Markið í fyrri hálfleik, breytti leiknum. Við komnir með stjórn á leiknum, við vissum að þeir væru ekki að fara að skora tvö mörk.“
Viðar Örn Kjartansson skoraði annað markið, það var af dýrari gerð.
,,Mjög gott mark, heimsklassa slútt, tekur hann í fyrsta. Það er ekki auðvelt að taka boltann svona, frábær tímasetning fyrir annað markið. Við höfum flestir að ég held spilað á 60-70 prósent, við vorum að spara okkur undir lokin. Mjög gott að klára þetta, halda hreinu og þrjú stig.“
,,Við getum að sjálfsögðu náð einhverju gegn Frökkum, spila betur en á Evrópumótinu. Þegar við spilum vel á móti stóru þjóðunum þá erum við í möguleika.“