Wayne Rooney, leikmaður DC United, vonar innilega að Liverpool fagni ekki sigri í ensku úrvalsdeildinni þetta árið.
Liverpool berst við Manchester City um titilinn en aðeins tvö stig skilja liðin að í toppbaráttunni.
Rooney hefur leikið með Everton og Manchester United en hann vonar að City hafi betur í baráttunni í þetta skiptið.
,,Það er frábært að vera erlendis þegar þessi tvö lið eru að berjast um titilinn!“ sagði Rooney.
,,Ég vona að Manchester City taki þetta frekar en Liverpool. Ég gæti ekki horft á þá lyfta titlinum, það yrði martröð fyrir alla stuðningsmenn Everton.“
,,Ég man eftir því þegar þeir unnu Meistaradeildina árið 2005 og þeir tala enn um þetta. Það yrðu 10-15 ár til viðbótar af því ef þeir vinna.„
