Ole Gunnar Solskjær er líklega einn vinsælasti maðurinn í Manchester-borg í dag en hann þjálfar Manchester United.

Solskjær og félagar eru komnir í 8-liða úrslit Meistaradeildarinnar eftir sigur á Paris Saint-Germain í gær.

Sigur United var magnaður en liðið tapaði fyrri leiknum 2-0 heima og vann svo 3-1 sigur í Frakklandi.

Solskjær er mjög auðmjúkur maður og lifir sínu eðlilega lífi í Manchester þar sem hann hefur búið á Lowry hótelinu.

Solskjær hefur undanfarin ár búið í heimalandinu Noregi en flutti til Manchester á ný í desember. Hann var áður leikmaður liðsins.

Daginn eftir þetta magnaða afrek skellti Solskjær sér í göngutúr og fór með jakkaföt þriðjudagsins í hreinsun.

Það má kalla þau happaföt en Solskjær passar sig á að klæðast þeim í leikjum United þegar veðrið leyfir.

Veðrið í Manchester var ekki frábært í gær en Solskjær lét sig hafa það og skellti sér aðeins út með fötin í hreinsun.