Jose Mourinho, stjóri Manchester United, segir Mino Raiola, umboðsmanni Paul Pogba, að tala við sig ef leikmaðurinn vill komast burt.

Pogba er reglulega orðaður við brottför þessa dagana en Mourinho segist sjálfur ekkert hafa heyrt.

,,Ég veit ekki hvort að þetta sé satt. Ég þarf að fá umboðsmanninn til að segja mér þetta eða sýna mér,“ sagði Mourinho.

,,Ef ég sé herra Raiola í sjónvarpinu þar sem hann segir að leikmenn vilji fara og að hann sé að koma því í gegn þá trúi ég þessu.“

,,Eins og staðan er veit ég ekki neitt. Það eina sem ég veit er að leikmaðurinn hefur aldrei sagt mér að hann vilji fara.“