Varnarmaðurinn Joe Bryan mun leika með Fulham á þessu tímabili en félagið staðfesti komu hans í dag.
Bryan er 24 ára gamall bakvörður en hann er uppalinn hjá Bristol og á að baki yfir 200 deildarleiki fyrir félagið.
Talið er að Fulham borgi sex milljónir punda fyrir Bryan en liðið hefur styrkt sig verulega á lokadegi gluggans.
Bryan hefur verið fastamaður hjá Bristol í fjögur ár en hann hefur einnig leikið fyrir Plymouth og Bath City á láni.
