Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.
Hér má sjá pakka dagsins.
Mino Raiola, umboðsmaður Paul Pogba, mun segja Manchester United að félagið geti fengið 100 milljónir punda frá Barcelona fyrir miðjumanninn. (Star)
United er á meðan að klára kaup á varnarmanninum Toby Alderweireld sem spilar með Tottenham. Hann mun kosta 60 milljónir punda. (Mirror)
Benfica hefur hafið viðræður við bakvörðinn Matteo Darmian sem er hjá United. (Sun)
Chelsea er að undirbúa 35 milljóna punda tilboð í miðjumanninn Aaron Ramsey hjá Arsenal. (Express)
Borussia Dortmund neitar að selja hinn efnilega Christian Pulisic sem er á óskalista Chelsea og Bayern Munchen. (Mail)
Wolves hefur boðið 16 milljónir punda í Domagoj Vida, varnarmann Besiktas. (Sabah)
Leicester er nálægt því að kaupa vængmanninn Rachid Ghezzal sem spilar með Monaco. (ESPN)
Arsenal hefur samþykkt 4 milljóna punda tilboð Sporting Lisbon í framherjann Lucas Perez. (A Bola)
Moussa Dembele, leikmaður Tottenham, hefur hafnað því að ganga í raðir Inter Milan. (Sun)
