Gary Neville, fyrrum leikmaður Manchester United, segir að andinn í búningsklefa liðsins sé góður.
Neville þekkir til starfsmanna á Old Trafford en hann var lengi leikmaður liðsins áður en hann tók að sér starf sem sérfræðingur Sky Sports.
United tapaði 3-2 fyrir Brighton um helgina en Neville segir að Jose Mourinho sé ekki búinn að missa klefann hjá liðinu.
,,Ég tala við fólk hjá félaginu og ég tel að það sé mjög góður andi í búningsklefanum,“ sagði Neville.
,,Hann hefur ekki misst klefann. Ég hef ekki haldið það í eina mínútu svo það væri rangt að kenna því um.“
