Miðjumaðurinn Cheikhou Kouyate hefur gert samning við lið Crystal Palace á Englandi.
Þetta staðfesti félagið í gær en Kouyate kemur til félagsins eftir fjögurra ára dvöl hjá West Ham.
Kouyate kostar Palace 9,5 milljónir punda en West Ham vildi losna við hann eftir að hafa fengið marga nýja leikmenn í sumar.
Þessi 28 ára gamli leikmaður kom til West Ham frá Anderlecht árið 2014 og spilaði 129 deildarleiki á Englandi.
Kouyate er einnig senegalskur landsliðsmaður en hann á að baki 42 leiki fyrir sína þjóð.
Enski boltinn á 433 er í boði 
