James Tomkins, leikmaður Crystal Palace, skilur ekki af hverju West Ham leyfði miðjumanninum Cheikhou Kouyate að fara í sumar.
Kouyate yfirgaf West Ham fyrir einmitt Palace en hann og Tomkins voru liðsfélagar hjá því fyrrnefnda og nú hjá Palace.
,,Hann er mjög góður náungi. Ég elskaði hann hjá West Ham og geri það enn,“ sagði Tomkins.
,,Hann er mjög ánægður gaur, hann er ekki alltaf að grínast en hann er alltaf brosandi.“
,,Hann er einnig mjög góður leikmaður. Það kom mér á óvart að West Ham hafi leyft honum að fara en við græðum á þessu.“
