Kristinn Jakobsson knattspyrnudómari lætur sig ekki vanta á leiknum í dag. Hann var bjartsýnn þegar blaðamenn hittu hann í Moskvu í morgun. „Það eru ellefu á móti ellefu og einn bolti. Við þurfum að vera passívir og kovera leikmann númer tíu. Ef við náum því þá náum við vonandi góðum úrslitum,“ segir Kristinn.
Varðandi pólska dómarann sem dæmir leik Íslands og Argentínu í dag segir Kristinn að Ísland hafi góða reynslu af honum. „Hann hefur dæmt nokkra leiki Íslands og er frábær dómari. Hann var spilari og hefur farið í gengum hæfileikamótið hjá UEFA og er kominn núna í þessa elítugrúppu. Einn af tíu bestu dómurum frá Evrópu og ég á von á því að hann standi sína vakt vel og geri allt sitt besta til að leikurinn njóti sín.“
Kristinn er í treyju Sverris Inga Ingasonar, númer 5. „Já, ég ól hann aðeins upp. Hann var bílstjóri hjá mér í Kjöthúsinu á sínum tíma, svo er hann einn besti vinur sonar míns. Þannig að það kom ekki annað til greina en að setja fimmuna á treyjuna.“
Viðtalið við Kristinn má sjá hér fyrir neðan:
