Kevin de Bruyne, sóknarmaður Manchester City vill ekki láta bera sig saman við þá Lionel Messi og Cristano Ronaldo.

De Bruyne hefur verið magnaður fyrir City á þessari leiktíð en þeir Messi og Ronaldo eru bestu knattspyrnumenn heims í dag.

Pep Guardiola, stjóri hans hjá City vill meina að De Bruyne sé kominn á sama stall og þeir félagar en leikmaðurinn er ekki sammála því.

„Það er ekki hægt að bera mig saman við þessa tvo leikmenn,“ sagði De Bruyne.

„Þeir spila allt aðrar stöður en ég. Þeir eru ofar á vellinum og skora báðir tíu sinnum meira en ég.“

„Ef ég skora 10 mörk þá skora þeir 100 mörk. Á hinn bóginn þá er mitt hlutverk innan liðsins allt annað en þeirra hlutverk,“ sagði hann að lokum.