Gylfi Þór Sigurðsson leikmaður Everton er spenntur fyrir því að mæta Liverpool á sunnudag.

Everton fer í heimsókn á Anfield í slagnum um Bítlaborgina, bæði lið hafa verið að spila vel.

Gylfi hefur verið sjóðandi heitur síðustu vikur og er líklegur til alls á Anfield. Það vakti því athygli þegar Jurgen Klopp fór að ræða um leikmenn Everton.

Hann taldi upp tíu leikmenn sem honum finnst öflugir en nefndi ekki besta leikmann liðsins, Gylfa Þór.

,,Silva er með besta Everton liðið sem ég hef séð, hann fékk inn Richarlison, gjörsamlega frábær leikmaður,“ sagði Klopp.

,,Walcott kom í fyrr, Bernard kom á þessu ári, Andre Gomes og Yerry Mina líka.“

,,Núna eru þeir með hraða, geta skapað og skipulag. Coleman er aftur heill, Keane hefur náð að festa sig í sessi, hefur verið frábær. Digne er eins og ungur Leighton Baines.“

,,Svo eru þeir með besta markvörð enska landsliðsins í Pickford. Þetta er frábær hópur.“