Zlatan Ibrahimovic segir að sinn gamli stjóri, Jose Mourinho eigi að halda áfram að vera hann sjálfur.
Mourinho er harkalega gagnrýndur þessa dagana í starfi hjá Manchester United en Zlatan gefur honum góð ráð.
,,Allir gangrýna Mourinho en ég held að það snúist ekkert um úrslit, það er vegna þess hvernig karakter hann er,“ sagði Zlatan.
,,Ég sé sjálfan mig í sömu stöðu, við erum með sjálfstraust, við trúum á hluti, við segjum hluti. Á okkar hátt.“
,,Okkur er kennt um þegar illa fer, við erum gagnrýndir meira en aðrir þegar illa gengur. Þegar vel gengur þá er sigurinn sætari, sumir svara aldrei fjölmiðlum svo fjölmiðlar ráðast aldrei á það.“
,,Það eru ekki við, við erum við sjálfir og við erum það alltaf. Sum gagnrýnin er persónuleg, sumt á rétt á sér, sum gagnrýnin er bara vegna þess hvernig hann er. Sumir öfunda hann, þetta er hluti af leiknum.“
,,Mourinho verður bara að vera hann sjálfur, standa upp og halda því áfram.“
