Manchester City hefur staðfest að Leroy Sane verði lengi frá vegna meiðsla á ökkla.
Sóknarmaðurinn knái var tæklaður í leik gegn Cardiff í enska bikarnum í gær.
Sane fór í myndatöku í dag þar sem kom í ljós að liðbönd í ökkla eru sködduð.
Ekki kemur fram hversu lengi Sane verður frá en á heimasíðu City segir að hann verði í talsverðan tíma á hliðarlínunni.
Sane hefur verið frábær á þessu tímabili og átt stóran þátt í góðu gengi City.
