Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í stærstu deildum Evrópu hefur opnað á nýjan leik.

Það má því búast við svakalegu fjöri næstu daga.

—————-

Peter Crouch er á óskalista Chelsea eftir að Andy Carroll meiddist. (Telegraph)

Þá vill félagið fá þá Edin Dzeko og Emerson Palmieri frá Roma en þeir kosta saman í kringum 77 milljónir punda. (Star)

Chelsea er tilbúið að láta Michy Batshuayi fara til Roma í staðinn fyrir Dzeko. (Sky Italia)

David de Gea mun að öllum líkindum skrifa undir nýjan samning við United á næstu dögum og þar með draga úr sögusögnum um að hann sé að fara til Real Madrid. (ESPN)

Manchester City hefur áhuga á Emre Can, miðjumanni Liverpool en framtíð hans veltur á því hvort að Leon Goretzka komi til félagsins. (Mirror)

Tottenham og Manchester United berjast um Lucas Moura. (L’Equipe)

Alexis Sanchez hefur verið látinn æfa með unglingaliði félagsins þar sem að hann er á förum til United. (Times)

United leiðir kapphlaupið um Jean-Michael Seri, miðjumann Nice en Liverpool og Chelsea hafa einnig áhuga á honum. (Mirror)

Chelsea gæti farið í félagaskiptabann fyrir semja við erlenda leikmenn sem eru yngri en 18 ára. (Guardian)

Brighton hefur áhuga á Jurgen Locadia, framherja PSV. (Telegraaf)